АҚШ Қодировнинг оиласига қарши санкция жорий қилди
РИА Новостининг ёзишича, АҚШ молия вазирлиги ўз сайти орқали тарқатган хабарга кўра АҚШ Россияга қарши янги санкция жорий қилади, рўйхатга Қодиров ва унинг оиласи аъзолари ҳам киритилган.
Молия вазирлиги сайтида эълон қилинган ҳужжатга кўра, Украина воқеалари билан боғлиқ санкция рўйхатига Чеченистон республикаси раҳбари Рамзан Қодиров, унинг қизи Айшат, Карина ва Табарик Қодировалар, рафиқаси Медни Қодирова, шунингдек, Фатима Хазуева ва Аминад Ахмадовалар (АҚШ молия вазирлиги уларни ҳам Қодировнинг “рафиқалари”, деб ҳисоблайди) киритилган.
Рамзан Қодировнинг ўзи инсон ҳуқуқларини бузгани учун 2017 йилдан буён АҚШ санкциясига киритилган, Бундан ташқари, Магнитск қонуни бўйича, Чеченистон раҳбари Канада, Австралия, ЕИ, Япония, Швейцария ва Буюк Британиянинг санкция рўйхатида ҳисобланади.
"Қодиров Владимир Путин билан алоқалари натижасида йирик мол-мулкка эга бўлган", – дейилади АҚШ молия вазирлиги хабарида. Таъкидланишича, унинг БААда уйи, хусусий зоопарки ва қиммат автомобиллари бор.
