2022 йилда ўзбекистонликлар қанча кредит олгани маълум бўлди

Иқтисод / Биласизми?
A A A
2022 йилда ўзбекистонликлар қанча кредит олгани маълум бўлди

Банклар томонидан 2022 йил давомида 203 трлн сўм миқдорида ёки ўтган йилга нисбатан 22 фоиз ортиқ кредитлар ажратилган.

Марказий банк маълумотларига кўра, мазкур кредитларнинг 68 фоизи (137,8 трлн сўм) корпоратив ва 32 фоизи (65,3 трлн сўм) аҳолига ажратилган кредитлар ҳиссасига тўғри келади.

Шунингдек, ажратилган кредитларнинг 31 фоизи қисқа муддатли ва 69 фоизи узоқ муддатли, валюталар қирқимида эса 65 фоиз кредитлар миллий валютада ва 35 фоиз хорижий валютадаги кредитлар ҳиссасига тўғри келади.

Кредит портфелининг 2022 йилда ўсиши миллий валютада 25 фоизни ташкил этган бўлса, хорижий валютадаги кредит портфели 14 фоизга ўсган.

Аҳолига ажратилган кредитлар таркибида автокредитлар 10,9 трлн сўмга (2021 йилга нисбатан 2 баробарга), ипотека кредитлари 10,6 трлн сўм (30 фоизга) ва микроқарзлар 6,2 трлн сўмга (1,7 баробарга) ўсган.

Мазкур даврда тижорат банклари томонидан 136 трлн сўмлик кредитлар сўндирилган бўлиб, қайтувчанлик даражаси 67 фоизни ташкил этган.

Киритилди: 22:05 03.02.2023. Ўқилди: 3275 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!