Zelenskiy amaldorlarga Ukrainadan ketishni taqiqladi

Ukraina hukumati bir qator amaldorlar va huquq-tartibot idoralari xodimlariga rasmiy maqsadsiz xorijga chiqishni taqiqladi. Bu haqda mamlakat prezidenti Vladimir Zelenskiy aytib o‘tdi.

«Bugun men bir nechta muhim farmonlarni imzoladim. Milliy xavfsizlik va mudofaa kengashining mansabdor shaxslarining xorijga chiqib ketishi bo‘yicha fundamental qarori bor. Bu markaziy hukumatning barcha davlat xizmatchilari va mahalliy hokimiyatning turli darajadagi boshqa organlariga taalluqlidir. Mansabdor shaxslar endi chet elga ta’tilga yoki boshqa maqsadda chiqa olmaydi”, dedi Zelenskiy o‘zining videomurojaatida.

Uning qo‘shimcha qilishicha, hukumat besh kun ichida chegarani kesib o‘tish tartibini ishlab chiqish niyatida, bu farmon ostida qolgan davlat xizmatchilarining ketishiga faqat rasmiy safar sabab bo‘lishi mumkin.

Farmonga ko‘ra, mamlakatdan chiqib ketishni taqiqlash vazirlar va ularning o‘rinbosarlari, xalq deputatlari, markaziy hokimiyat organlari rahbarlari va o‘rinbosarlari, Zelenskiy devoni rahbarlari va ularning o‘rinbosarlariga hamda boshqa rahbarlarga taalluqlidir.