Yaponiyalik bokschi jangda orttirib olgan jarohati sabab vafot etdi

Yaponiyalik bokschi Kazuki Anaguchi 23 yoshida miyasiga qon quyilishi oqibatida vafot etdi.

Anaguchi 26 dekabr kuni miya operasiyasidan so‘ng komaga tushgan edi. U Seiya Susumi bilan Yaponiya chempionligi uchun kechgan jangda boshidan jiddiy jarohat olgandi.

Shundan so‘ng, bokschi Tokio kasalxonasiga olib borilgan va subdural gematomani tozalash uchun shoshilinch operasiya qilingan (miya tomirlarini uzib tashlagan jarohati natijasida), u operasiya vaqtidan keyin komaga tushib, qayta o‘ziga kelmagan.

Anaguchi professional ringda yettita jang o‘tkazib, oltita g‘alaba (2 tasi nokaut) va bitta mag‘lubiyat qayd etgan edi.