Yana hujum: Google Play’da o‘nlab qalbaki bank ilovalari fosh bo‘ldi
ESET ekspertlari Google Play’da mashhur bank ilovasining navbatdagi qalbaki nusxasini fosh etishdi. Firibgarlar ko‘plab dasturchilarning faoliyatini imitasiya qilishga urinib ko‘rishgan, ammo ilovaning aksariyat jihatlari firibgarlik ustida bitta guruh ishlashganini isbotlaydi. Ehtimol bir kiberjinoyatchi ishlagandir.
Natijada, bu yilgi yozda minglab bank kartalari o‘g‘irlangan, ilovaning o‘zi esa mingdan ziyod marotaba o‘rnatilgan ekan.
Google Play’ning qaroqchilikka qarshi dasturi bu gal ish bermadi: «oynada» murakkab labirintli kodlar qo‘llanilgan, bu esa qaroqchilarning yuqori darajada ustaligidan darak beradi.Ilovaning vazifasi bitta. U ham bo‘lsa, o‘g‘irlik. Foydalanuvchi ma’lumotlarni yoki login va porolni standart ro‘yxatdan o‘tkazish shaklida kiritsa bo‘ldi, shu zahotiyoq ular firibgarlar serverida paydo bo‘ladi.
Kiberhujum jabrdiydalari sifatida hozircha Yangi Zelandiya, Avstraliya, Buyukbritaniya, Shveysariya va Polsha bank tizimi foydalanuvchilari qayd etildi. Avstriyada Bitpanda kriptoservisi jabr ko‘rgan. Ammo jinoyatchilar o‘z vaqtida to‘xtatib qolinmasa, ular ushbu tizimda dunyoning istalgan mamlakati bank tizimiga hujum uyushtirishi turgan gap.
Manba: terabayt.uz
