Yakkabog‘da 17 nafar hokim yordamchisiga hayfsan berildi
Hokim Lutfiddin Abdullayevning "Mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha ayrim Yakkabog‘ tumani hokimi yordamchilariga nisbatan intizomiy jazo chorasi qo‘llash to‘g‘risida" qarori qabul qilindi.
Qaror bilan tumandagi "Daryo", "Tatar", "Qayrag‘och", "Esat", "Yangihayot", "Sandal", "Alako‘ylak", "Paxtakor", "Jambul", "Shar-sharbog‘ot", "Ishkent", "Mevazor", "Farovonlik", "Ayg‘irko‘l", "Cho‘mich", "Obod", "G‘ozliq" mahallalarining hokim yordamchilariga hayfsan intizomiy jazo chorasi qo‘llanilgan.
Bunga sabab qilib "Oilaviy tadbirkorlikni rivojlantirish va aholi daromad manbaini kengaytirishga doir qo‘shimcha chora-tadbirlar to‘g‘risida"gi qarorda belgilab berilgan vazifalar lozim darajada bajarilmaganligi ko‘rsatilgan.
