Xavi «Barselona» boshqaruviga o‘tishi mumkin

«Barselona» klubi sobiq yarim himoyachisi, ayni vaqtda Qatarning «As Sadd» klubi bosh murabbiyi sifatida faoliyat olib borayotgan Xavi kelasi hafta kataloniyaliklar boshqaruviga o‘tishi mumkin.

Bu haqda jurnalist Muhammad Nahlexning "Tvitter"dagi sahifasiga asoslanib xabar berib o‘tildi.

39 yoshli Xavi uchun «Al-Duhail»ga qarshi shahzoda kubogi finalida kechadigan bahs «As-Sadd» boshqaruvida o‘tadigan so‘nggi uchrashuvi bo‘lishi kutilmoqda. «Barselona» bilan aynan shunga kelishib olingan.

Xavining agenti ayni damda Dohada «Barselona» bilan bo‘lajak shartnomaning so‘nggi tafsilotlarini muhokama qilmoqda. Tomonlar deyarli kelishib bo‘lgan va kelgusi hamkorlikning faqat kichik tafsilotlarini hal qilishlari kerak.