O‘zbekiston va Qozog‘iston ID karta orqali chegaradan o‘tishni muhokama qilmoqda
O‘zbekiston va Qozog‘iston rasmiylari ikki mamlakat fuqarolarining davlat chegarasini milliy ID kartalar vositasida kesib o‘tishini yo‘lga qo‘yish masalasini muhokama qilmoqda. Bu haqda O‘zbekiston prezidentining tashqi siyosat masalalari bo‘yicha maxsus vakili Abdulaziz Komilov ma’lum qildi.
“Bugungi kunda O‘zbekiston va Markaziy Osiyo davlatlari o‘rtasidagi chegaralarni haqli ravishda do‘stlik va yaxshi qo‘shnichilik ko‘prigi, deb atash mumkin. 2023 yil 1 sentyabrdan boshlab ichki hujjat – fuqaro ID kartasini taqdim etgan holda O‘zbekiston-Qirg‘iziston chegarasini kesib o‘tish tartibi amal qilayotgani buning tasdig‘idir. Xuddi shunday loyiha Qozog‘iston tomoni bilan ham muhokama qilinmoqda”, – deya yozadi Komilov o‘z maqolasida.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
