Unutib qoldirilgan telefon italiyalik eshkak eshuvchini bronza medalidan ayirdi

Italiyalik eshkak eshuvchi Jakomo Perini yakshanba kuni Parijda qayig‘ida mobil telefon topilgani uchun diskvalifikasiya qilindi va Paralimpiya bronza medalidan mahrum bo‘ldi, biroq sportchi bu e’tiborsizlik ekanligini va u hech qachon muloqot qilish uchun undan foydalanmaganini aytdi.

28 yoshli Perini erkaklar o‘rtasidagi yakkalik qayiqda eshkak eshish bo‘yicha finalda uchinchi o‘rinni egallagan edi, lekin keyinchalik unga diskvalifikasiya e’lon qilindi.

Gap shundaki, final bahsida italiyalik sportchi poyga davomida aloqa vositalaridan foydalangan deb topildi, bu qoidalarini buzishga kiradi.

Perinining aytishicha, u qayiqda bir shisha suv bo‘lgan kichik sumkada telefonini qoldirib ketgan va qoidani buzmaganini aytib, bayonotdagi ayblovga rozi bo‘lmagan.

"Ular meni "aniqlashmadi", chunki men hech qachon qayiqda mobil telefondan foydalanmaganman», dedi Perini ANSAga.

“Men telefonni hakamlar hay’atiga berdim, ular oxirgi qo‘ng‘iroq avvalgi kechada, psixolog bilan bo‘lganini ko‘rishsin.

«Qoidalarda telefon olib kelmaslik aytilmagan, lekin gaplashish mumkinmas».

Ko‘rib chiqilayotgan qoidada «ekipaj bilan jihozlardan foydalangan holda qayiqdan tashqarida hech qanday aloqa o‘rnatishga yo‘l qo‘yilmaydi».

Italiya eshkak eshish federasiyasi apellyasiya arizasi bilan chiqdi va u rad etildi va qaror ustidan Butunjahon eshkak eshish Ijroiya kengashiga shikoyat qilishga tayyorlanayotganini aytdi.

Avstraliyalik Erik Xorri to‘rtinchi o‘rindan ko‘tarildi, britaniyalik Benjamin Pritchard oltin, ukrainalik Roman Polianskiy kumush medalni qo‘lga kiritdi.