Ukrainaning yangi qarshi hujumi haqida hozirgacha nima ma’lum?

Payshanba kuni Rossiya telegram-kanallari Ukraina armiyasining Kursk viloyatidagi Ulanok va Cherkassk Konopelkasi yo‘nalishida qarshi hujumga o‘tishga urinishi haqida xabar berdi. Keyinroq bu ma’lumotni Rossiya Mudofaa vazirligi tasdiqladi va hozirda barcha hujumlar qaytarilganini ta’kidladi.

Ukraina Qurolli kuchlari qo‘mondonligi bu xabarlarga izoh bermadi.

"Ukraina Qurolli kuchlari yana Kursk viloyatiga "qonli hujum"ga o‘tdi. Hozirgi paytda Maxnovka, Cherkasskaya Konopelka, Ulanok qishloqlari va Sujadan 7 kilometr uzoqlikdagi Fanaseevka qishlog‘i atrofida shiddatli janglar davom etmoqda.

Dushman qarshi hujumga katta miqdordagi texnikani jalb qildi: zirxli jangovar mashinalar, tanklar, trallar va yuzdan ortiq shaxsiy tarkib," - deya "Shimoliy shamol" z-kanali xabar berdi.

"Dushman RF Qurolli Kuchlari bo‘linmalarini Maxnovka aholi punktidan siqib chiqarishga urinmoqda, Ulanok aholi punktida janglar to‘xtamayapti", - deb yozadi rossiyalik jurnalist Boris Rojin. - "Dushman 3 tagacha batalyon kuchi bilan texnikada (tanklar, zirxli jangovar mashinalar) hujum qilmoqda, unga qarshi bizning aviasiyamiz va artilleriyamiz ish olib bormoqda. Vaziyat jiddiy."

Jangovar harakatlarning hozirgi faollashuvi ushbu shaharning janubi-sharqida yuz berdi. Frontning bu qismi Ukraina Qurolli Kuchlari uchun istiqbolli ko‘rinmaydi - u yerda o‘tish qiyin va aholi zich joylashmagan hudud, Kursk viloyatining asosiy shaharlari esa boshqa yo‘nalishlarda, Sudjadan shimolda joylashgan.

Ehtimol, Ukrainaning bu operasiyasidan maqsad - boshqa qismlardan ko‘ra tuman markaziga ko‘proq yaqinlashgan rus bo‘linmalarini sharqqa surib, uning hujumi xavfini bartaraf etishdir. Agar Ukraina Qurolli Kuchlari Sudja ustidan nazoratni yo‘qotsa, Kursk viloyatining qolgan hududini ushlab turish o‘z ahamiyatini yo‘qotadi.