Ukrainaning urushdagi ahvoli og‘ir

Ukrainaning urushdagi ahvoli og‘ir

Ukraina bosh qo‘mondoni sharqdagi vaziyatni og‘ir deb atadi.

Ukraina bosh generali Oleksandr Sirskiy Rossiyaning Ukraina sharqidagi hujumi bilan bog‘liq vaziyat «og‘ir»ligicha qolayotganini aytib, barcha zarur qarorlar qabul qilinayotganini qo‘shimcha qildi.

Sirskiy hujumning aniq joyiga aniqlik kiritmadi, biroq u avvalroq Rossiya kuchlari strategik ahamiyatga ega Pokrovsk shahrini nishonga olganini aytgan edi.

«Dushmanning asosiy hujumi yo‘nalishida vaziyat og‘ir. Lekin barcha darajadagi barcha zarur qarorlar kechiktirmasdan qabul qilinmoqda», — dedi Sirskiy Telegram’da.

Sirskiyning aytishicha, u o‘tgan hafta Pokrovsk yaqinidagi sharqiy frontda bir necha kun bo‘lgan va u yerdagi janglarni «o‘ta og‘ir» deb ta’riflagan.

Rossiya armiyasi mintaqadagi Ukraina mudofaasi uchun muhim logistika markazi bo‘lgan Pokrovskga yaqinlashmoqda.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!