Ukraina Rossiyaning qancha hududini bosib olishga qodir?
Rossiya bosqinining boshlanishidan beri Ukraina birinchi marta Rossiya hududining katta qismini egallash uchun qo‘shin yubordi. G‘arb ekspertlari Kurskga bostirib kirishni yangi strategiyadan darak, deydi.
Ukraina Rossiya bosqiniga qarshi mudofaa strategiyasini o‘zgartirish yo‘lida «birinchi qadam» tashlagan bo‘lishi mumkin. AQShning Nyu-Xempshir universiteti dosenti Jen Spindel Rossiyaning g‘arbiy Kursk viloyatidagi so‘nggi voqealarni shunday tasvirlab berdi.
«Ukraina bu urushni so‘nggi ikki yildagidek davom ettira olmaydi. Buning uchun oddiygina ishchi kuchi va qurol zaxirasi yo‘q», - deydi tashqi siyosat va xavfsizlik bo‘yicha ekspert Shpindel.
«Rossiya ancha katta va armiyasi kattaroq, Ukraina esa Rossiyaga qarshi teng kurashni davom ettira olmaydi», dedi u. «Agar u jangda qolish umidida bo‘lishni istasa, assimetrik uslubdagi urushni ko‘proq qabul qilishi va mojaroni Rossiya hududiga olib kelishi kerak».
Shpindelning so‘zlariga ko‘ra, bu Ukraina o‘z kuchi va qurol-yarog‘iga mosroq taktikani qo‘llashi kerakligini anglatadi - bu aynan Kurskda sodir bo‘layotgan narsa.
«Men Rossiyadagi bu operasiyani Ukrainaning o‘z strategiyasini biroz o‘zgartirishga urinishi deb bilaman», dedi u DW nashriga. «Bu Rossiya hududi endi taqiqlanmaganligini va Ukraina Rossiyani o‘z kuchlarini Ukrainani bombardimon qilish va vayronagarchilikdan chalg‘itishga majburlash uchun Rossiya hududiga hujum qilishini ko‘rsatmoqda».
Ukraina yana qancha oldinga siljiydi?
Shpindel fikricha, o‘z maqsadlariga erishish uchun Ukraina Rossiya hududida uzoqroqqa borishi shart emas.
«Menimcha, hech kim bu mojaro darajasida kuchayib ketishini, Ukraina Moskva tomon qo‘shin yuborayotgani yoki o‘sha yo‘nalishda dronlar yoki samolyotlar uchayotganini ko‘rishni istamaydi», dedi u va Ukraina armiyasi qanchalik oldinga siljisa, xavf shunchalik kuchayashini, chunki qo‘shin ta’minotdan uzilishi mumkinligini qo‘shimcha qiladi.
Ukraina, deydi u, muvozanatni saqlashi va G‘arb hamkorlari bilan hisoblashishi kerak. Biroq, uning fikricha, Rossiya hududiga bostirib kirish oxirgisi bo‘lmaydi.
«Mening taxminim shuki, biz bu kabi operasiyalarni ko‘payishini guvohi bo‘lamiz, Ukraina Kursk operasiyasida bo‘lgani kabi ularga syurpriz qilishga harakat qiladi», dedi u - «Ukraina Rossiya harbiylari soniga tenglasha olmaydi, lekin u Rossiyani muvozanatdan chiqarishga harakat qilish uchun kutilmagan va yaxshi taktikalarga tayanishda davom etishi mumkin».
