Ukraina Durovning hibsga olinishini qo‘llab-quvvatladi

Ukraina Oliy Radasining so‘z erkinligi bo‘yicha qo‘mitasi raisi Yaroslav Yurchishin Telegram asoschisi Pavel Durovning Fransiyada hibsga olinishiga izoh berdi. U messenjer faoliyatini qat’iy tartibga solishga chaqirdi.

«Butun dunyoda telegramni yanada qattiqroq tartibga solish joriy etilmoqda. Biz buni ancha oldinroq qilishimiz kerak edi», - deya ta’kidladi deputat. Uning qo‘shimcha qilishicha, bu qarorni qabul qilish vaqti 2022 yilda kelgan.

Mart oyida Yurchishin telegram rahbariyati Rossiya kanallarini blokirovka qilishdan bosh tortganidan shikoyat qilgan. Shu sababli, mamlakat messenjer ishini cheklash masalasini ko‘tardi. Keyinroq parlamentariy Ukrainada messenjerni taqiqlash so‘z erkinligiga tajovuz bo‘lmaydi, degan fikrni bildirdi.

Shu bilan birga, Ukraina Milliy xavfsizlik va mudofaa kengashi qoshidagi Dezinformasiyaga qarshi kurash markazi rahbari Andrey Kovalenko telegramni Ukraina hududida taqiqlash mumkin emasligini ma’lum qildi.