UEFA prezidenti Ronalduning jig‘iga tegdi
Besh karra «Oltin to‘p» sohibi Monakoda yangilangan Chempionlar ligasi qura tashlash marosimida taqdirlandi, u yerda unga Chempionlar Ligasi tarixidagi eng yaxshi to‘purar bo‘lgani uchun mukofot topshirildi: 183 o‘yinda 140 ta gol.
Ronaldu, shuningdek, besh marta Yevropa elita musobaqalarida g‘olib chiqqan, bir marta «Manchester Yunayted» va to‘rt marta «Real Madrid» bilan.
RONALDU NIMALAR DEDI?
Tadbir Ronaldu va UEFA prezidenti Aleksander Cheferin o‘rtasidagi suhbat ajralib turdi, u portugaliyalik yulduzni musobaqada ishtirok etmayotganini aytish bilan uning jig‘iga tegdi.
Ronaldu darhol kinoya bilan javob qaytardi: «Men Osiyo [Chempionlar] ligasida o‘ynayman, buni unutmang».
Keyin 39 yoshli futbolchi Chempionlar ligasidagi yorqin faoliyati haqida fikr yuritdi, bu musobaqa uning faoliyatidagi muhim qism bo‘lgan.
«Men bu yerda bo‘lishdan mamnunman. Bu ajoyib mukofot uchun rahmat, bu men uchun juda muhim», - dedi Ronaldu - «Sizga ma’lumki, Chempionlar ligasi bu futboldagi eng yuqori cho‘qqi. Menda bu imkoniyat bo‘lgan, bilasiz, rekordlar o‘z so‘zini aytadi, lekin men buni nazarda tutmayapman, men o‘sha musobaqada o‘ynash zavqini nazarda tutyapman... bu bizning motivasiyamiz».
Ronaldu yaqinda «Al-Nassr» bilan faoliyatini yakunlashi mumkinligiga ishora qilgan bo‘lsada, kelajakda UEFA Chempionlar ligasiga qaytish uchun eshikni biroz ochiq qoldirdi. U shunday dedi: «Futbol... siz hech qachon nima bo‘lishini bilmaysiz, keling, kelajakda nima bo‘lishini ko‘ramiz».
