Toshkentda erkak xotinini uyga qaytarish uchun qaltis ishga qo‘l urdi. Jinoyat ishi qo‘zg‘atildi
Toshkent shahri. 2021 yilning 20 fevral kuni 41 yoshli Dildora M., Shayxontohur tumani IIO FMB boshlig‘i nomiga ariza bilan murojaat qilib, unda 2021 yilning 19 fevral kunidan 20 fevral kuniga o‘tar kechasi soat 02:20 larda Shayxontohur tumani Uchlola ko‘chasida joylashgan xonadonining kirish yo‘lagi oldida, voyaga etmagan 16 yoshli o‘g‘li Mustafo T.,ni yuziga niqob kiyib olgan noma’lum shaxs urib, 20.000.000 so‘mlik tilla-taqinchoqlarini olib qochganligini ma’lum qilgan.
Olib borilgan tergovga qadar tekshiruv harakatlari natijasida, Dildora M., turmush o‘rtog‘ini uyiga qaytarish maqsadida ushbu yolg‘onni o‘ylab topganligini ma’lum qilgan.
Mazkur holat yuzasidan Shayxontohur tumani IIO FMB huzuridagi Tergov bo‘linmasi tomonidan Dildora M.,ga nisbatan O‘zbekiston Respublikasi Jinoyat kodeksining 237-moddasi 1-qismi (Yolg‘on xabar berish) bilan jinoyat ishi qo‘zg‘atilib, gumon qilinuvchi tariqasida jalb qilingan.
Hozirda tergov harakatlari davom etmoqda.
