Teylor Sviftning konsertida terakt uyushtirishni rejalashtirgan ikki kishi hibsga olindi
Avstriyada Teylor Sviftning konsertida terakt uyushtirishni rejalashtirgan ikki kishi hibsga olindi. Gumonlanuvchilar ISHIDga aloqador bo‘lishi mumkin.
"Polisiya ma’lumotlariga ko‘ra, bir gumondor Venadan 75 kilometr uzoqlikdagi Ternis shahrida qo‘lga olingan. Tintuv paytida 19 yoshli avstriyalikdan “kimyoviy moddalar” topildi. Avstriya Ichki ishlar vazirligi jamoat xavfsizligi direktori Frans Rufning aytishicha, gumonlanuvchi yaqinda “ISHIDga sodiqlik qasamyodi”ni qilgan", deb yozadi Avstriyaning Kurier nashri.
"Poytaxt Venada yana bir gumondor hibsga olingan. Polisiya u haqida qo‘shimcha ma’lumot bermadi. yana uchtasi qidiruvga berilgan", deya qayd etadi Die Zeit.
Terakt xavfi haqidagi xabarlar fonida Teylor Sviftning Venadagi uchta konserti ham bekor qilindi, deb xabar bermoqda BBC.
