Tennischi qizlarimiz Qozog‘istonda bosh sovrinni ko‘zlamoqda

Qozog‘istonda Xalqaro tennis federasiyasi musobaqalari taqvimiga kiruvchi xotin-qizlar o‘rtasidagi xalqaro turnirda umidli tennischilarimiz ishtirok etmoqda.

Musobaqaning saralash bosqichida hamyurtimiz Dariya Shubina ilk bosqichda qozog‘istonlik Adiya Kenjetayni har ikkala setda bir xil 6:1 hisobida taslim qildi. Endi Dariya asosiy to‘r bahslariga chiqish uchun neytral sportchi Ustiniya Lekomseva bilan raqobatlashadi.

Afsuski, Maftunabonu Qahramonova, Madina Davlatova hamda Nasiba Espolova kabi yosh tennischilarimiz saralash bahslarining ilk turida mag‘lubiyatga uchradi.