Sobiq ittifoq davlatlari erkaklari xunuk va badbashara — sobiq teleboshlovchi

Moda tarixchisi va sobiq teleboshlovchi Aleksandr Vasilev sobiq ittifoq mamlakatlarining barcha erkaklari xunuk ekanligini va «pishirilgan mahsulotlarga o‘xshab ko‘rinishini» aytdi. Bu haqda news.ru xabar berdi.

Uning so‘zlariga ko‘ra, erkaklarni go‘zal qiladigan narsa - yahudiy, gruzin yoki boltiq qonining aralashmasi. Vasilevning so‘zlariga ko‘ra, ayollar yanada go‘zaldir, chunki ular urushlar va siyosiy qatag‘onlar paytida yo‘q qilinmagan.

"Sobiq ittifoq mamlakatlarida tashqi ko‘rinishi yaxshi erkaklar ommaviy ravishda qirib tashlangan. Bu siyosiy repressiyalar edi. Qolganlar unchalik jozibali emasdi. Ammo ayollar yo‘q qilinmadi. Shuning uchun, umuman olganda, ayollar yanada chiroyli. Erkaklar esa xunukroq, ular pishirilgan mahsulotlarga o‘xshaydi. Ular past bo‘yli, gavdali, qirraburun"... – o‘z fikrini bildirdi Vasilev.

Maxsus operasiya boshlanganidan so‘ng Litva hukumati saytida Vasilev nomidan Rossiya rasmiylarini tanqid qilgan ochiq xat e’lon qilingani avvalroq xabar qilingan edi. Bir muncha vaqt o‘tgach, moda tarixchisining vakillari uning bayonotga hech qanday aloqasi yo‘qligini aytishdi, chunki Litva rahbariyati u bilan matnni muvofiqlashtirmagan.