Shimoliy Koreya o‘ta yirik kalibrli ko‘p martali raketa tizimlaridan foydalangan holda o‘quv mashg‘ulotlarini o‘tkazdi

18 mart kuni KXDR 600 mm o‘ta yirik kalibrli ko‘p martali raketa tizimlaridan foydalangan holda o‘quv mashg‘ulotlarini o‘tkazdi.

Bu haqda Koreya markaziy axborot agentligi xabar bermoqda.

Unga ko‘ra, mashg‘ulotlarga Shimoliy Koreya yetakchisi Kim Chen In boshchilik qilgan.

“O‘q otish mashg‘ulotlarining maqsadi 600 mm kalibrli raketa qurollari bilan qurollangan bo‘linmalarning to‘satdan manevrlarini o‘tkazish va ulardan o‘q uzish orqali qurol tizimlarining kuchi va jangovar imkoniyatlarini tasdiqlash edi”, — deyiladi nashrda.