Shavkat Mirziyoyev: "2 mingta ehtiyojmand oilalarga uy olish uchun 100 mlrd so‘m subsidiya beriladi"

2 mingta ehtiyojmand oilalarga uy olish uchun 100 mlrd so‘m subsidiya beriladi. Bu haqda Shavkat Mirziyoyev Navoiydagi uchrashuv vaqtida aytib o‘tdi.

Kelgusi 5 yilda Navoiy aholisi 150 mingga ko‘payadi. Uy-joy - odamlarning haqiqiy dardi. Bir hovlida 3-4 kelin yashash qiyin, oilalar uy ololmaydi. Yoshi katta bo‘lib qolgan ota-onaga ham tinchlik kerak, oilalar yaxshi sharoitda yashashlari kerak. Ko‘p qavatli uylar quramiz. Birinchi navbatda ular yaqinida ishchi joyi, bog‘cha-maktabini ham tayin qilamiz.

Bunday uylarni olish uchun 2 mingta ehtiyojmand oilalarga 100 mlrd so‘m subsidiya beriladi.

Nomzod Navoiy shahrining o‘zida 4 ming xonadonli, boshqa tumanlarda 14 ming xonadonli ko‘p qavatli uylar qurilishini aytdi.

Shuningdek, Zarafshon shahri kengaytiriladi, 30 ming aholi uchun "Sanoat shaharchasi" bunyod etiladi.