Sergey Lavrov yanvar oyida O‘zbekistonga keladi

Rossiya Tashqi ishlar vazirligi rahbari Sergey Lavrov 2020 yilning 12-13 yanvar kunlari O‘zbekistonga rasmiy tashrif bilan keladi. Bu haqda RIA Novosti xabar berdi.

RF TIV rasmiy vakili Mariya Zaxarovaning so‘zlariga ko‘ra, Lavrovni mamlakat prezidenti Shavkat Mirziyoyev qabul qiladi, shuningdek, u O‘zbekiston Tashqi ishlar vaziri Abdulaziz Komilov bilan muzokaralar o‘tkazadi.

Bundan tashqari, Lavrov Toshkentdagi Rossiya TIV MGIMO filiali professor-o‘qituvchilar tarkibi va talabalariga ma’ruza o‘qiydi.