Rossiya Ukraina zaminiga urush olib keldi va bu fojiani o‘z tanasida ham his qilishi kerak — Zelenskiy

Ukraina prezidenti kechki murojaatida Ukraina Qurolli Kuchlarining Kursk viloyatidagi hujumiga izoh bermadi, biroq Rossiya ham urushni his qilishi kerakligini aytdi.

Zelenskiy, shuningdek, Ukraina Qurolli Kuchlari Bosh Qo‘mondoni Oleksandr Sirskiyning uchta “samarali” hisoboti haqida gapirdi. Biroq uning tafsilotlarini ochiqlamadi.

"Ukrainaliklar o‘z maqsadlariga qanday yo‘l bilan erishish mumkinligini yaxshi bilishadi. Bu yo‘lni biz tanlaganimiz yo‘q. Rossiya bizning yurtimizga urush olib keldi, endi ular ham bu fojiani o‘z tanalarida his qilishlari kerak. Biz adolatli va tinch dunyoda imkon qadar tezroq o‘z maqsadlarimizga erishishga intilamiz", — deya ta’kidladi Ukraina prezidenti.