Qodirov asir ukrainalik millatchilarni Chechenistonga “olib ketdi”

Checheniston rahbari Ramzan Qodirov avtobusda “Azovstaldagi” asir millatchilarni “olib ketgani” aks etgan videoni chop qildi.

Rolikda “Azov” millatchi bo‘linma jangarilari qanday qilib Rim papasi va boshqa yetakchilardan yordam so‘rashgani haqida so‘z boradi. Keyin ularning oxir-oqibat berkinib yotgan joylaridan chiqib, taslim bo‘lishgani aks etgan.

So‘ngra videoda go‘yoki Qodirov ularni lezginka sadolari ostida MAZ avtobusida olib ketayotganini ko‘rish mumkin.

“Men ogohlantirgandim axir”, - deya yozgan Qodirov video ostida.