Qirg‘iziston bosh vaziri o‘rinbosari YEOIIdan chiqish bilan tahdid qildi

Qirg‘iziston bosh vaziri o‘rinbosari muhojirlar uchun Rossiyada ishlashga qo‘yilgan cheklovlarni tanqid qildi va Rossiya tomonidan ko‘rilayotgan choralar Qirg‘iziston fuqarolariga ta’sir etsa, mamlakat YEOIIdan chiqishi bilan tahdid qildi.

“Biz Rossiya Federasiyasi Davlat Dumasida muhokama qilingan ushbu va boshqa o‘zgartirish va cheklovlar Qirg‘iziston Respublikasi fuqarolariga taalluqli emasligidan kelib chiqamiz. Agar boshqa har qanday talqin qilinsa va fuqarolarimizni uchinchi davlat migrantlari bilan tenglashtirsa, xalqimizga YEOIIda ishtirok etish ma’nosini oqlash biz uchun juda qiyin bo‘ladi"— deb yozadi Emil Baysalov X dagi sahifasida.