Qidiruvdagi bola topilib, onasi bag‘riga qaytarildi
Fuqarolik ishlari bo‘yicha Navbahor tumanlararo sudining 13.11.2019 yildagi ijro varaqasiga asosan, voyaga yetmagan 07.06.2014 yilda tug‘ilgan P.Norbo‘tayevani javobgarlar N.Axmadov hamda O.Chungalovalarning tarbiyasidan M.Abdusamadovaning tarbiyasiga olib berish belgilangan.
Mazkur ijro hujjati Byuroning Nurota tumani bo‘lim ish yurituviga kelib tushgan kunidayoq, davlat ijrochisi tomonidan ijro ishi yuritishni qo‘zg‘atish to‘g‘risida qaror qabul qilinib, ijro etishlik uchun taraflarga yuborilgan.
Javobgarlar berilgan ixtiyoriy muddat ichida ijro hujjati talabini ixtiyoriy ravishda bajarmagan, farzandini esa salkam bir yil mobaynida ko‘zdan yashirib, onasi M.Abdusamadovaga ko‘rsatmagan.
Olib borilgan ijro harakatlari natijasida voyaga yetmagan 07.06.2014 yilda tug‘ilgan P.Norbo‘tayeva topilib, tuman IIB, YOXB hamda tuman tibbiyot birlashmasi xodimlari bilan hamkorlikda da’vogar M.Abdusamadovaning tarbiyasiga olib berilishi ta’minlandi.