Қидирувдаги бола топилиб, онаси бағрига қайтарилди

Қидирувдаги бола топилиб, онаси бағрига қайтарилди

Фуқаролик ишлари бўйича Навбаҳор туманлараро судининг 13.11.2019 йилдаги ижро варақасига асосан, вояга етмаган 07.06.2014 йилда туғилган П.Норбўтаевани жавобгарлар Н.Ахмадов ҳамда О.Чунгаловаларнинг тарбиясидан М.Абдусамадованинг тарбиясига олиб бериш белгиланган.

Мазкур ижро ҳужжати Бюронинг Нурота тумани бўлим иш юритувига келиб тушган кунидаёқ, давлат ижрочиси томонидан ижро иши юритишни қўзғатиш тўғрисида қарор қабул қилиниб, ижро этишлик учун тарафларга юборилган.

Жавобгарлар берилган ихтиёрий муддат ичида ижро ҳужжати талабини ихтиёрий равишда бажармаган, фарзандини эса салкам бир йил мобайнида кўздан яшириб, онаси М.Абдусамадовага кўрсатмаган.

Олиб борилган ижро ҳаракатлари натижасида вояга етмаган 07.06.2014 йилда туғилган П.Норбўтаева топилиб, туман ИИБ, ЁХБ ҳамда туман тиббиёт бирлашмаси ходимлари билан ҳамкорликда даъвогар М.Абдусамадованинг тарбиясига олиб берилиши таъминланди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!