Putin: "Merkelning o‘rniga kim kelishini bilmayman"

Rossiya prezidenti Vladimir Putin Germaniya kansleri Angela Merkelning sentyabr oyida bo‘lib o‘tadigan Germaniya Bundestagiga saylovlardan so‘ng siyosatni tark etish niyatiga izoh berdi. Bu haqda 5 iyun, shanba kuni RIA Novosti xabar berdi.

Rossiya rahbarining so‘zlariga ko‘ra, u Merkel bilan yaxshi ishbilarmonlik aloqalariga ega va uni hamkasbi sifatida sog‘inib qoladi.

«Uning o‘rnida kim bo‘lishini bilmayman. Biz haqiqatan ham Angela bilan ishbilarmonlik munosabatlarimizga egamiz va men uni juda qadrlayman», - dedi Putin.

Putin Merkelni tajribali siyosatchi, o‘z pozisiyasini qanday himoya qilishni biladigan ishonchli odam deb atadi.

2018 yilda Angela Merkel ushbu lavozimdagi to‘rtinchi muddatidan keyin Germaniya kansleri lavozimiga qayta saylanmasligini e’lon qildi. Uning so‘zlariga ko‘ra, u yana Bundestag a’zosi etib saylanishni rejalashtirmayapti.

66 yoshli Merkel Germaniya kansleri lavozimida 2005 yil 22 noyabrdan buyon ishlab kelmoqda.