Путин: "Меркелнинг ўрнига ким келишини билмайман"
Россия президенти Владимир Путин Германия канцлери Ангела Меркелнинг сентябрь ойида бўлиб ўтадиган Германия Бундестагига сайловлардан сўнг сиёсатни тарк этиш ниятига изоҳ берди. Бу ҳақда 5 июнь, шанба куни РИА Новости хабар берди.
Россия раҳбарининг сўзларига кўра, у Меркель билан яхши ишбилармонлик алоқаларига эга ва уни ҳамкасби сифатида соғиниб қолади.
«Унинг ўрнида ким бўлишини билмайман. Биз ҳақиқатан ҳам Ангела билан ишбилармонлик муносабатларимизга эгамиз ва мен уни жуда қадрлайман», - деди Путин.
Путин Меркелни тажрибали сиёсатчи, ўз позициясини қандай ҳимоя қилишни биладиган ишончли одам деб атади.
2018 йилда Ангела Меркел ушбу лавозимдаги тўртинчи муддатидан кейин Германия канцлери лавозимига қайта сайланмаслигини эълон қилди. Унинг сўзларига кўра, у яна Бундестаг аъзоси этиб сайланишни режалаштирмаяпти.
66 ёшли Меркель Германия канцлери лавозимида 2005 йил 22 ноябрдан буён ишлаб келмоқда.
