Polshalik fermerlar Germaniya bilan chegaradagi ikkita chegara o‘tish punktini to‘sib qo‘ydi

Polshalik fermerlar Yevropa Ittifoqining qishloq xo‘jaligi siyosati va Ukrainadan arzon qishloq xo‘jaligi mahsulotlari olib kirilishiga norozilik sifatida Germaniya bilan chegaradagi ikkita chegara o‘tish punktini to‘sib qo‘ydi.

Frankfurt-an-Oder va Guben yaqinidagi chegara punktlari yaqinida yo‘llar o‘nlab traktorlar vositasida to‘sib qo‘yilgan. Fermerlar chegara blokadasini 20 martgacha davom ettirishni rejalashtirgan. Germaniya polisiyasi haydovchilarni boshqa yo‘llardan foydalanishga chaqirmoqda.