Polsha va AQSh 96 ta Apache hujum vertolyotlarini yetkazib berish bo‘yicha shartnoma imzoladi
Polsha va AQSh hukumatlari 96 ta Apache AH-64E hujum vertolyotlarini yetkazib berish bo‘yicha shartnoma imzoladi. Bu haqda Polsha harbiy boshqarmasi ma’lum qildi.
"Hozirda bosh vazir o‘rinbosari va milliy mudofaa vaziri Vladislav Kosiniyak-Kamish Polsha armiyasi uchun 96 ta Apache AH-64E hujum vertolyotlarini yetkazib berish bo‘yicha shartnoma imzoladi. AQSh hukumati bilan tuzilgan shartnoma logistika va o‘quv xizmatlari paketini taqdim etish, o‘q-dorilar va ehtiyot qismlar yetkazib berishni ham o‘z ichiga oladi”, — deyiladi vazirlik xabarida. Polsha tomoni nomidan shartnoma imzolagan Kosiniak-Kamish Varshava bu vertolyotlarni 2028 yilda qabul qila boshlaydi, dedi. Shartnoma qiymati 10 milliard dollarni tashkil qiladi.
Polsha mudofaa departamenti rahbarining so‘zlariga ko‘ra, Polsha Qo‘shma Shtatlardan keyin eng zamonaviy modifikasiyadagi Apache AH-64D vertolyotlaridan ikkinchi foydalanuvchiga aylanadi.
