Oq uy: AQSh hozircha Kiyevga yangi turdagi harbiy yordam haqida e’lon qiladigan hech narsa yo‘q

Qo‘shma Shtatlar o‘z ittifoqchilari va Kiyev bilan doimiy maslahatlashuvda, biroq Vashington Ukraina armiyasi uchun yangi turdagi harbiy yordamni hali e’lon qilmagan. Bu haqda Oq uyda Ukraina Qurolli kuchlarini tanklar bilan ta’minlash imkoniyatini sharhlab bergan xabarda aytildi.

"E’lon qiladigan hech narsam yo‘q, hozircha yangi turdagi harbiy yordamlar haqida e’lonlar yo‘q", dedi Oq uy matbuot kotibi Karine Jan-Pyer.

Wall Street Journal AQSh rasmiylariga tayanib, avvalroq AQSh ma’muriyati M1 Abrams tanklarining "katta sonini" Ukrainaga o‘tkazishga intilayotgani haqida xabar bergan edi.