Oltin quymasini sotib olgan qancha daromad qiladi
O‘zbekistonda oltin quymalari narxi oxirgi oylarda eng yuqori darajada ko‘tarildi. Bu qimmatbaho metallning narxini respublika Markaziy banki e’lon qildi.
22-sentyabr holatiga ko‘ra, O‘zbekistonda besh grammlik oltin quymasini 3,9 million so‘mga xarid qilish mumkin. 10 gramm uchun 7,83 million, 20 gramm uchun 15,66 million, 50 gramm uchun esa 39,16 million to‘lash kerak bo‘ladi. Sakkiz oy ichida metall mos ravishda 0,42 million, 0,85 million, 1,7 million va 4,23 millionga qimmatlashgan.
Lekin banklar oltinlarni chegirma bilan qaytarib oladi. Aytaylik, 22-sentyabrda 50 grammlik 37,3 million so‘mga qaytarib olinishi mumkin. Bundan kelib chiqadiki, bitta oltin quymasidan 2,4 million so‘m daromad olish mumkin edi, agar 8 oy oldin quyma 34,93 million bo‘lgan bo‘lsa. Qadoqlashning yaxlitligi buzilgan yoki joriy texnik talablarga mos kelmagan taqdirda chegirma miqdori yuqoriroq bo‘ladi. Qayta sotib olishda Markaziy bank LBMA fiksasiyasiga muvofiq oltin narxini boshqaradi.
22 sentyabr holatiga ko‘ra, O‘zbekiston banklari tomonidan jami 1,3 ming dona bar sotilgan. Hududlar kesimida qaraganda esa Toshkent shahar oldinda (387 dona). Buxoro ikkinchi o‘rinda (137). Kuchli uchlikni esa Samarqand (134 dona) yakunlaydi.
Aytish kerakki, jahon bozorida oltin narxining oshib borishi ortidan oltin quymalari ham qimmatlashmoqda.
Bank of America tahlilchilari narxlarning bir unsiya uchun 2000 dollardan oshishini taxmin qilishgan. Bugungi kundagi narx 1924 dollarni tashkil qilmoqda.
