Oltin eksportisiz oy: fevralda tashqi savdo kamaydi
2023 yil yanvar—fevral oylarida O‘zbekistonning tashqi savdo aylanmasi 8,9 mlrd dollarga etdi. Bu ko‘rsatkich 2022 yil mos davri bilan solishtirilganda 176 mln dollarga yoki 2 foizga ko‘paydi.
Biroq, o‘tgan oyning o‘zida tashqi savdo 3,9 mlrd dollarni tashkil qildi. Bu joriy yil yanvariga nisbatan 1,1 mlrd dollarga, 2022 yil fevraliga nisbatan esa 0,9 mlrd dollarga kamroq.
O‘zbekiston fevral oyida past narxlar sabab oltin sotmadi.
Fevral oyida tashqi savdoning qisqarishi ushbu oyda kamroq kunlar borligi bilan bog‘liq emas. Yanvarda O‘zbekiston 1,2 mlrd dollarlik oltin sotgani inobatga olinsa, fevraldagi oltin eksporti hisobga olinmagan tashqi savdoda o‘sish kuzatilgan.
2023 yilda O‘zbekiston importining uchdan bir qismi Rossiya va Xitoy hissasiga to‘g‘ri kelmoqda.
Tashqi savdoda asosiy hamkor davlatlar orasida yanvar oyida Germaniya paydo bo‘lgan edi (uchinchi o‘rinda, 497 mln dollar). Fevral oyidagi ma’lumotlarga ko‘ra, bu holat vaqtincha bo‘lib chiqdi va Germaniya bilan tashqi savdo atigi 76 mln dollarni tashkil qildi.
