Oilalar hayit bilan tabriklashayotganda jinoyatchi Isroil hujum uyushtirdi

Isroil hujumida uch farzandidan ayrilgan ona shifoxonada hushidan ketdi.

Al-Jazeera: G‘azo shahrining Shujayea va Zeitoun tumanlarining sharqiy qismida kuchli pulemyot otishmalari davom etmoqda. Chamasi, Isroil harbiylar bu hududlarda qolgan ozgina oilalarga boshqa boriladigan va ko‘chirib ketish mumkin bo‘lgan joy yo‘qligi sababli ko‘proq tazyiq o‘tkazmoqda.

Bundan tashqari, ular hududdagi qolgan turar-joy binolarini ham og‘ir artilleriya bilan nishonga olishmoqda.

Bugun kechqurun G‘azo shahridagi bir turar-joy binosi odamlar gavjum paytda qiruvchi samolyotlar tomonidan nishonga olinib, vayron qilindi. Hayitning ikkinchi kuni bo‘lib, oilalar bir-birini ziyorat qilib, hayit bilan tabriklashayotganda bu hujum sodir bo‘ldi.

Oila a’zolaridan biri bizga havo hujumida halok bo‘lgan singlisini ko‘rgani borishiga besh daqiqa qolganini aytdi. Kasalxona ichida yiqilib yig‘layotgan onani ko‘rdik... u hujumda halok bo‘lgan uch farzandning onasi edi.

Bu havo hujumida 12 kishi halok bo‘ldi. Vayronalar ostidan topilgan so‘nggi jasad bu yerga olib kelindi, u bilan birga vayronalar ostidan topilgan boshqa jasadning go‘shti solingan polietilen xalta ham bor edi. Ushbu hujumda halok bo‘lgan bolalar, ayollar va erkaklar bir oilaga mansub edilar.

Bugun faqat shu hujum bo‘lmadi. G‘azo bo‘ylab kamida 34 kishi halok bo‘ldi, ularning yarmidan ko‘pi ayollar va bolalar edi.