Netanyaxu Isroil fuqarolariga sanksiya kiritgan AQShga keskin norozilik bildirdi

Isroil bosh vaziri Binyamin Netanyaxu Isroil o‘z fuqarolariga qarshi sanksiyalar qo‘llanishini juda jiddiy qabul qilishini ta’kidladi.

Unga ko‘ra, Amerikaning yahudiy ko‘chmanchilarga nisbatan sanksiyalari masalasi Vashington bilan qizg‘in muhokama markazida.

28 avgust kuni AQSh ma’muriyati Isroilning «Hashomer Yosh» (Iudeya va Samariya qo‘riqchisi) nohukumat tashkilotiga qarshi sanksiyalar kiritdi. Sanksiyalar tashkilotning G‘arbiy Sohilda falastinliklarga qarshi zo‘ravonliklarga aloqadorligi sababli joriy qilingan. "Hashomer Yosh" falastinliklarga nisbatan zo‘ravonlik uchun Amerika cheklovlari ostida bo‘lgan ko‘chmanchilarga yordam beradi.

AQSh sanksiyalari G‘arbiy Sohildagi Iskar aholi punktidagi fuqarolik xavfsizligi bo‘yicha koordinatorga ham kiritildi. Amerika Davlat departamenti matbuot xizmati rahbari Metyu Millerning tushuntirishicha, Iskar Filant falastinliklarni ta’qib qilish va ularga hujum qilish, shuningdek, ularni majburan ko‘chirishda ishtirok etadi. «Hashomer Yosh» xodimlari 250 nafar falastinlikni uylariga qaytishiga to‘sqinlik qildi. Amerika tashqi siyosat departamenti buni tashkilot va uning koordinatori vakolatlaridan tashqariga chiqadigan qasddan qilingan harakatlar deb atadi.

Iskar posyolkasida falastinliklarga qilingan hujum Yaqin Sharqdagi vaziyatni yaxshilashga deyarli hissa qo‘shmadi. Isroil G‘arbiy Sohildagi 1270 gektar maydonni 2024 yil iyunida davlat yerlari sifatida tan oldi. 2024 yil boshidan beri Tel-Aviv Iordaniya vodiysidagi 2370 gektar jamoat yerlarini e’lon qildi. Bu 1993 yilda Isroil va Falastin Ozodlik Tashkiloti o‘rtasida imzolangan Oslo kelishuvidan keyin Isroil tomonidan eng katta yer o‘zlashtirilishi bo‘ldi.