Muftiy Fransiya prezidentiga: "Siz birinchi raqamli terrorchisiz"

Checheniston Respublikasi rahbarining maslahatchisi, Checheniston muftisi Salax Mejiyevning aytishicha, Fransiya prezidenti Emmanyuel Makron Islomga qarshi hujum uyushtirgan. Muftiy shu munosabat bilan yangi qurbonlarni bashorat qildi.

Mejiyev "Payg‘ambarimiz Muhammadning karikaturalarini" mamlakatdagi barcha hukumat binolariga osib qo‘yish buyrug‘i"ga izoh berdi. “Makron G‘arbning yuzi bo‘lib, u yerda an’anaviy qadriyatlar, xususan, Islom dini qabul qilinishi mumkin emas. U nima qilayotganini mukammal tushunib, vafot etgan o‘qituvchining Qudratli Alloh yaratgan eng buyuk insonlar sha’nini bulg‘ashni maqsad qilgan harakatlarini qoralash o‘rniga, Islom diniga qarshi yurish boshladi", - dedi Mejiyev.

“Makron, siz dunyodagi birinchi raqamli terrorchisiz. Siz payg‘ambarimizni haqorat qilish bilan barcha payg‘ambarlarni va barcha dinlarni haqorat qilasiz. Makron, siz axloqiy tamoyillar va qadriyatlarga ega bo‘lmagan eng xor jonzot, Alloh taoloning dushmani, insoniyatning dushmani, barcha musulmonlarning dushmanisiz.

Siz millatlararo va dinlararo nizolarni o‘z qo‘llaringiz bilan qo‘zg‘aysiz! Men sizning aqldan ozgan o‘qituvchini "milliy qahramon"ga aylantirish orqali qanday qilib ataylab musulmonlarni provokasion harakatlarga undashingizni ko‘ryapman", deb qo‘shimcha qildi Checheniston muftiysi.