Mudofaa vazirligi: Turkiya NATO talabi bilan maxsus kuchlar batalyonini Kosovoga topshirishni yakunladi

Turkiya qisman tan olingan Kosovoga avvalroq NATO tomonidan talab qilingan maxsus kuchlar batalyonini topshirishni yakunladi. Bu haqda Turkiya milliy mudofaa vazirligi xabar berdi.

“Turkiya Harbiy-havo kuchlari qo‘mondonligiga qarashli A-400M samolyoti Kosovoda xizmat qiladigan 65-mexaniklashtirilgan piyodalar brigadasining komando batalyonini joylashtirish doirasida ikkinchi va uchinchi guruh parvozlarini muvaffaqiyatli yakunladi”, — deb yozadi “TASS”.

5 iyun kuni NATO qisman tan olingan Kosovoga qo‘shimcha ittifoq kuchlari (KFOR) kela boshlaganini e’lon qildi.

Qayd etilishicha, turk batalyonlari Kosovoda “kerak bo‘lganicha” qoladi.