Migrantlarga bitta patent bilan bir nechta hududlarda ishlashga ruxsat berilishi mumkin

Rossiya Moliya vazirligi mehnat migrantlariga bir vaqtning o‘zida bir nechta hududlarda patent bo‘yicha ishlash imkonini beruvchi qonun loyihasini ishlab chiqishga kirishdi. Normativ-huquqiy hujjatlar portalida hujjatni tayyorlash boshlangani haqidagi xabar e’lon qilindi, deb yozmoqda “Sputnik”.

Loyiha “Rossiya Federasiyasidagi xorijiy fuqarolarning huquqiy maqomi to‘g‘risida”gi qonunga o‘zgartirishlar kiritishni nazarda tutadi, deyiladi hujjatda. Qonun loyihasi qabul qilingan taqdirda, o‘zgartirishlar rasmiy e’lon qilingan kundan boshlab bir oy o‘tgach kuchga kirishi mumkin.

Shuningdek, xabarnomada aytilishicha, u bosh vazir Mixail Mishustin va bosh vazir o‘rinbosari Tatyana Golikovaning fevral oyi oxirida bergan ko‘rsatmalari asosida tayyorlangan.

"Vedomosti" Moliya vazirligi va hukumatga xorijliklar patent ostida ishlashlari mumkin bo‘lgan hududlarning mumkin bo‘lgan sonini, shuningdek, uni olish shartlarini aniqlashtirish bo‘yicha so‘rov yuborgan.

"Asterisk" advokatlik byurosi boshqaruvchi Vladimir Xantimirovning so‘zlariga ko‘ra, hozirda mehnat patenti faqat bitta mintaqada ishlash uchun beriladi, Rossiya Federasiyasining boshqa sub’ektiga ko‘chib o‘tgan taqdirda, chet ellik ishchi hujjatni kelgan joyidagi migrasiya organlariga qayta rasmiylashtirishga majbur.

Faqat YEOII fuqarolari, Rossiya Federasiyasi hududida yashash uchun ruxsatnoma yoki vaqtinchalik yashash uchun ruxsatnoma egalari ushbu qoidadan ozod qilinadi, deya qo‘shimcha qildi u.