Markaziy Osiyo mamlakatlari prezidentlarining kuyovlari nima bilan shug‘ullanadi?

Markaziy Osiyo mamlakatlari prezidentlarining kuyovlari qanday xizmat vazifalarida faoliyat ko‘rsatadi? Sputnik nashri shu mavzuda maxsus maqola e’lon qildi.

Markaziy Osiyo mamlakatlari rahbarlarining kuyovlari oddiy hayotlarini tark etib, mansab pillapoyalaridan ildam yuqorilay boshlaydilar, deb yozmoqda nashri.

Bu yerda askar Akayevning to‘ng‘ich qizi bermetning sobiq turmush o‘rtog‘i Odil Toyg‘onboyevni eslash mumkin. Uni qirg‘iz xalqining kuyovi deb ham nomlashadi. 2005 yilgi revolyusiyadan keyin Toyg‘onboyev bir nechta davlat ob’ektlarini noqonuniy o‘zlashtirish, firibgarlik va korrupsiyada ayblanib, 20 yilga hukm qilindi.

Sputnik Qirg‘iziston tahririyati Markaziy Osiyoning amaldagi prezidentlari kuyovlari nima bilan shug‘ullanishi to‘g‘risida ochiq manbalardan olingan ma’lumotlarni taqdim etdi.

O‘zbekiston

62 yoshni qarshilagan Shavkat Mirziyoyev rafiqasi Ziroatxon Hoshimova bilan uch farzandni tarbiyalab, voyaga yetkazishmoqda. Ularning o‘g‘li Alisher - hozirda maktab o‘qituvchisi. Ikkita qizi esa turmushga chiqqan.

Prezidentning katta qizi Saida va uning turmush o‘rtog‘i Oybek Tursunov haqida juda kam narsa ma’lum. Bir yil muqaddam ommaviy axborot vositalari uning prezident ma’muriyati rahbariga o‘rinbosar bo‘lgani haqida yozgan edi.

Otabek Umarov prezidentning ikkinchi qizi Shahnoza Mirziyoyeva bilan turmush qurgan. 2017 yilda u prezident qo‘riqlash xizmati rahbarining o‘rinbosari etib tayinlangan. Bundan tashqari, mart oyida Otabek Umarov O‘zbekiston triatlon federasiyasining raisi bo‘ldi. Shahnoza Mirziyoyeva esa maktabgacha ta’lim vazirligida bo‘lim boshlig‘i o‘rinbosari sifatida faoliyat ko‘rsatadi.

O‘zbekiston rahbarining besh nafar nabirasi bor.

Tojikiston

Imomali Rahmon deyarli chorak asrdan buyon Tojikistonni boshqarmoqda. Uning xizmat vazifalari judayam ulkan - u nafaqat prezident, balki tinchlik va milliy birlik asoschisi, millat yetakchisi. Imomali Rahmonning 9 nafar farzandi bo‘lib, shundan 7 nafari qiz.

Katta qizi Feruza Rahmonga Tojikiston temir yo‘llari eks-rahbarining o‘g‘li Omonullo Xokumov uylangan. Kichik Xokumov haqida juda kam narsa ma’lum, uning nomi ham, qayerda ishlashi ham hech qayerda qayd etilmagan.

Tojikiston Milliy banki raisining birinchi o‘rinbosari, 41 yoshli Jamoliddin Nuraliyev Rahmonning ikkinchi qizi Ozoda bilan turmush qurgan. Shunisi e’tiborliki, Ozoda Tojikiston prezidenti, ya’ni otasining ma’muriyatini boshqaradi.

Juftlik besh nafar farzandni tarbiyalamoqda. Nuraliyev ilgari Milliy bankda, keyin XVF va Jahon bankida iqtisodchi bo‘lib ishlagan, keyinchalik Moliya vazirining birinchi o‘rinbosari vazifasini bajargan.

OAV ma’lumotiga ko‘ra, prezidentrning uchinchi qizi Ruxshona Rahmon Tojikiston tashqi ishlar vazirligi bo‘lim boshlig‘ining o‘rinbosari. U Tojikistonning Qishki sport turlari assosiyasiyasi prezidenti Shamsullo Sohibov bilan turmush qurgan.

Prezidentning beshinchi qizi Parvina sobiq Energetika va sanoat vaziri Sherali Gulovning o‘g‘li Ashraf Gulovga turmushga chiqqan. Gulov Milliy bankda, keyinroq Tashqi ishlar vazirligida ishlagan, Soliq qo‘mitasining ikkita bo‘limiga rahbarlik qilgan. 2014 yilda Tojikistonning Moskvadagi elchixonasida konsullik xizmati boshlig‘i etib tayinlangan.

Ma’lum bo‘lishicha, Rahmonning oltinchi qizi Zarina Tojikistonning birinchi kanalida diktorlik qilgan. Hozirda Oriyenbank boshqaruv kengashi raisi o‘rinbosari. Bir necha yil ilgari u Aloqa xizmati rahbarining o‘g‘li Bek Zuhurov Siyovush bilan turmush qurgan.

Bek Zuhurov Siyovush haqida shular ma’lumki, u boks bilan shug‘ullangan va xalqaro musobaqalarda ishtirok etgan. Xususan, 2015 yilda Sovet ittifoqi marshali Georgiy Jukov xotirasiga bag‘ishlangan turnirda bronza medalni qo‘lga kiritgan.

Rahmonning boshqa ikkita qizi va ularning oilaviy ahvoliga oid ma’lumotlar yo‘q.

Qozog‘iston

Qozog‘istonning amaldagi prezidenti Qosim-Jo‘mard To‘qayevning qizi yo‘q, faqat bir o‘g‘li bor. Lekin undan oldingi prezident Nursulton Nazarboyevni eslash mumkin. Chunki iste’fosiga qaramay, mamlakatning birinchi prezidenti - elboshi Xavfsizlik kengashi rahbari sifatida hukumatdagi mavqeini saqlab turibdi.

Uning uch nafar qizi bor. Katta qizi Darig‘a 12 yil oldin Rohat Aliyev bilan ajrashdi. Bir oz vaqt o‘tib, sobiq kuyov muxolifatchi bo‘lib, xorijga chiqib ketdi. 2015 yilda Rohat Aliyev Avstriya qamoqxonasida vafot etdi.

Bu mamlakatning rasmiylari sud ekspertizasi qotillik deya xulosa chiqarganiga qaramasdan, bu holatni o‘z joniga qasd qilish deya baholadi. Keyinroq o‘tkazilgan yana bir tibbiy ekspertiza natijasida joniga qasd qilish holati rasmiylashtirildi.

52 yoshli Timur Kuliboyev Nazarboyevning ikkinchi qizi Dinara bilan turmush qurgan. Ularning o‘g‘li hamda ikkita qizi bor. Forbes jurnali ma’lumotlariga ko‘ra, juftlikning har biri 3,2 milliard dollar mablag‘ga egalik qiladi.

Kuliboyev ko‘pdan beri deputat, Samruk-Kazina davlat jamg‘armasining rahbari hisoblanadi. Ushbu investxolding aktivlarida o‘nlab milliard dollar miqdorida mablag‘lar mavjud.

Hozirda Qozog‘istonning KAZENERGY neft va gaz-energetika majmuasi assosiasiyasi prezidenti, Otamakon milliy tadbirkorlar palatasi raisi. 2011 yildan beri u Gazprom ning direktorlar kengashi a’zosi, mustaqil direktori, Qozog‘ston milliy olimpiya qo‘mitasi raisi va boks va suv sporti federasiyasini boshqaradi.

Prezidentning uchinchi qizi, 39 yoshli Aliya uch marta turmushga chiqqan. Birinchi marta Qirg‘izistonning sobiq prezidenti Askar Akayevning o‘g‘li Aydarga turmushga chiqqan. Uchinchi turmush o‘rtog‘i - Dimash Dosanov. Ularning bir o‘g‘li va qizi bor. Dosanov 2016 yildan buyon magistral quvurlar ga ega bo‘lgan KazTransOyl OAJ bosh direktori. 2017 yilda kompaniyaning pul aylanmasi yuz millionlab dollarni tashkil etadi. Dosanov, shuningdek, Qozog‘iston Basketbol federasiyasi prezidenti hisoblanadi.

Qirg‘iziston

Ikki yil ilgari saylangan Qirg‘iziston prezidenti Sooronboy Jeenbekovning ikki farzandi bor: hali maktabda o‘qiydigan o‘g‘li hamda qizi Baxtigul.

2016 yilda Baxtigul deputat Aliyorbek Abjaliyevning o‘g‘li Otabekka turmushga chiqdi. U hukumat apparatining xalqaro aloqalar bo‘limida ekspert bo‘lib ishlaydi.

Turkmaniston

Gurbanguli Berdimuhammedov Turkmanistonni 2006 yildan buyon boshqarmoqda, Orqatog‘ unvonining sohibi. Prezidentning uch qizi hamda o‘g‘li bor.

Sardor Berdimuhammedov TIV tizimida bo‘lim boshlig‘ining o‘rinbosari vazifasida ishlaydi. Ekspertlarning fikricha, Sardor Turkmaniston prezidentligiga voris sifatida tayyorlanmoqda. Orqatog‘ning boshqa farzandlari haqida ma’lumotlar juda kam. bir necha yil oldin uning katta qizi Guljahon Londonda turmush o‘rtog‘i Ilasgeldi omonov bilan birga yashashi ma’lum qilingan edi.
https://uz.sputniknews.ru