Koreya-Xitoy-Qozog‘iston-O‘zbekiston yo‘nalishida sinov poyezdi qatnovi yo‘lga qo‘yildi

26 iyun kuni Lyanyungan portidagi Qozog‘iston-Xitoy logistika terminalida Koreya – Xitoy – Qozog‘iston – O‘zbekiston yo‘nalishi bo‘yicha sinov poyezdini ishga tushirish rasmiy marosimi bo‘lib o‘tdi. Bu haqda Kazinform agentligi «Qazaqstan temіr joli» MK» AJ matbuot xizmatiga tayanib xabar berdi.

QTJ xabariga ko‘ra, xalqaro savdo va hamkorlik uchun muhimligi ta’kidlangan ushbu muhim tadbirda to‘rt davlatning temir yo‘l ma’muriyati vakillari ishtirok etdi.

7 ming kilometr masofani bosib o‘tadigan avtomobil ehtiyot qismlari yuklangan poyezd mamlakatlar o‘rtasidagi iqtisodiy hamkorlikning yangi yo‘llarini ochadi. Qozog‘iston hududi orqali yo‘nalish operatori KTZ Express hisoblanadi.

“Sinov poyezdining ishga tushirilishi qo‘shma multimodal yuk tashishni rivojlantirishga bo‘lgan umumiy intilishimizni namoyish etadi, bu, albatta, mintaqalarimizda savdo va o‘zaro hamkorlik uchun yangi ufqlarni ochadi», – dedi KTZ Express bosh direktorining tijorat bo‘yicha o‘rinbosari Ulug‘bek Orazov.

Uning so‘zlariga ko‘ra, bu qadam Qozog‘istonning tranzit salohiyatini oshirish, uni xalqaro ta’minot zanjirida asosiy transport markaziga aylantirish bo‘yicha yangi imkoniyatlarni rivojlantirishda muhim qadamdir.