Kim Chen Inga Rossiya Ukrainaga hujum qilayotgan zamonaviy qurollar ko‘rsatildi
KXDR yetakchisi Kim Chen In Rossiyaga tashrifi chog‘ida Vladivostokga tashrif buyurdi va u yerda Rossiya mudofaa vaziri Sergey Shoygu bilan birgalikda Rossiyaning zamonaviy qurollarini ko‘zdan kechirdi, deya xabar bermoqda “ Interfaks” .
Vladivostokga etib kelgan Kim Chen In Knevich ayerodromiga yo‘l oldi va u yerda uni Sergey Shoygu kutib oldi. Ular birgalikda Tu-160, Tu-95MS va Tu-22M3 raketa tashuvchi bombardimonchi samolyotlarni ko‘zdan kechirdilar. Bundan tashqari, Shoygu Shimoliy Koreya yetakchisiga MiG-31I rusumidagi Kinjal raketa tizimini ko‘rsatdi. Kim Chen In Rossiyaning uzoq masofali yo‘lovchi samolyoti Tu-214 bilan ham tanishdi.
Keyin KXDR rahbari va Rossiya mudofaa vaziri marshal Shaposhnikov fregatida bo‘lib, u yerda “Uran” raketa tizimlari va “Kalibr” universal qanotli raketa tizimlari, shuningdek, 100 millimetrli A-190 avtomat artilleriya moslamasini ko‘zdan kechirdi.
Kim Chen In beshinchi kun davlat tashrifi bilan Rossiyada. U Primorsk o‘lkasiga 12 sentyabrda yetib keldi . Ertasi kuni u Amur viloyatidagi “Vostochniy” kosmodromida Rossiya prezidenti Vladimir Putin bilan muzokaralar o‘tkazdi . 15 sentyabr kuni u Komsomolsk-na-Amurdagi Su-35 va Su-57 qiruvchi samolyotlarini yig‘ish bo‘yicha aviasiya korxonalariga tashrif buyurdi .
