Janubiy Koreya va Hindiston qo‘shma havo mashqlari o‘tkazdi

Janubiy Koreya va Hindiston Avstraliyadagi yirik ko‘p millatli manevrlar doirasida qo‘shma havo mashqlarini o‘tkazdi . Bu haqda Janubiy Koreya harbiy-havo kuchlariga tayanib, Yonhap agentligi xabar berdi .

Janubiy Koreyaning F-15K qiruvchi samolyotlari va Hindistonning Su-30MKI qiruvchi samolyotlari ishtirokidagi mashg‘ulotlar Avstraliya shimolidagi Darvin aviabazasida ikki yillik Pitch Black mashqlari doirasida bo‘lib o‘tdi.

Harbiy havo kuchlari ma’lumotlariga ko‘ra, bu mashg‘ulotlar uchuvchilar turli mamlakatlar jangovar samolyotlarining xususiyatlari va taktikasini yaxshiroq o‘zlashtirishlari uchun tashkil etilgan.