Janubiy Koreya polisiyasi Telegram'da tekshiruv boshladi
Ishning qo‘zg‘atilishiga platforma porno deepfakes tarqalishiga yordam beradi degan shubhalar sabab bo‘ldi, deb xabar berdi Yonhap agentligi. Uning so‘zlariga ko‘ra, avgust oyi oxirida polisiyaga koreys ayollarining fotosuratlari va videolaridan foydalangan holda soxta jinsiy kontent bilan bog‘liq 88 ta murojaat kelib tushgan. 24 nafar gumondor shaxs aniqlangan.
Tergov Telegram'da hisob ma’lumotlari kabi zarur ma’lumotlarni taqdim etmasligi bilan murakkablashdi, dedi Milliy tergov byurosi rahbari Vu Chon Su matbuot anjumanida. Uning so‘zlariga ko‘ra, tergov Fransiya tergov organlari va turli xalqaro tashkilotlar bilan hamkorlik qiladi.
24 avgust kuni Telegram asoschisi Pavel Durov Fransiyaning Le Burje aeroportida qo‘lga olindi. U bir qancha jinoyatlar, jumladan, rasmiylar so‘roviga ko‘ra ma’lumot berishdan bosh tortish, pul yuvish, narkotik moddalar savdosi va firibgarlikda gumon qilinmoqda. Durov garov evaziga ozod qilindi, biroq Fransiyadan chiqib ketish taqiqlandi.
