Jahon iqtisodiyoti AQShning resessiyasi tufayli qulashi bashorat qilindi

Tahlilchilarning fikricha, agar AQSh resessiyaga tushib qolsa, jahon iqtisodiyoti kamida 5-6 foizga qisqaradi. Shu bilan birga, Qo‘shma Shtatlarda davlat qarzi, inflyasiya va ishsizlik bilan bog‘liq vaziyat tufayli bir necha yillardan beri resessiya ehtimoli ortib bormoqda.

Iyul oyida The Goldman Sachs Group, Inc. mutaxassislari kelasi yil resessiya ehtimolini 15 foizdan 25 foizga oshishini bashorat qilishdi. Xabar qilinishicha, vaziyat hamon “umuman normal”dek ko‘rinmoqda, biroq AQSh Federal zaxira tizimi shoshilinch choralar ko‘rmas ekan, jahon iqtisodiyoti jar yoqasiga kelib qoladi.