Isroilning G‘arbiy Sohilga bergan havo hujumida 5 falastinlik halok bo‘ldi

Isroilga qarashli uchuvchisiz samolyot ishg‘ol ostidagi G‘arbiy Sohildagi Tulkarm shahrida avtomobilni urib, 5 Falastinlik halok bo‘ldi.

Falastinning WAFA rasmiy axborot agentligiga ko‘ra, hujum nishoni Attil va Zeyta qishloqlarini bog‘lovchi yo‘l bo‘ylab harakatlanayotgan avtomobil bo‘lgan.

Ikkita raketa bilan urilganidan so‘ng, avtomobil yonib ketgan va yo‘lovchilar tiriklayin yoqib yuborilgan.

Tulkarmdagi Sabit Sobit davlat kasalxonasida kuydirilgan besh jasad, jumladan Tulkarm qochqinlar lageridan 25 yoshli Haysem Nureddin Beleidiyning jasadi o‘likxonaga olib ketilganini bildirdi. Byleidiy HAMASning harbiy qanoti bo‘lmish Izziddin al-Qassam brigadalari qo‘mondonlaridan biri ekani xabar qilingandi.

Hujum ortidan Tulkarmdagi Falastin qarshilik guruhlari umumiy ish tashlash va motam e’lon qildi. Isroil armiyasi mashinada qurolli qarshilik ko‘rsatgan jangchilar borligini aytdi.

Shu bilan birga, Isroil harbiylari Sharqiy Quddusdagi Iseviyya mahallasida o‘tkazgan reyd chog‘ida otishma, ko‘zdan yosh oqizuvchi gaz va shovqinli granatalardan foydalandi, natijada 3 nafar falastinlik yaralandi.

Baytullohim (Baytlahm) g‘arbidagi Husan qishlog‘ida reyd chog‘ida 16 yoshli bola, Nablus shahrida esa 4 nafar falastinlik qo‘lga olindi.