Hindiston va Xitoy chegarasidagi to‘qnashuvda askarlar yaralandi
Hindiston va Xitoy chegarasida to‘qnashuv bo‘lib o‘tdi va unda 20 nafardan ortiq askarlar jarohat olgan.
“India Today”ning yozishicha, to‘qnashuv Hindistonning Sikkim shtatidagi Naku-La dovoni hududida bo‘lib o‘tgan. Xitoy armiyasi go‘yoki Hindiston bilan demarkasiya chizig‘ini kesib o‘tishga uringan va bu esa hind harbiylarini hujumiga sabab bo‘lgan. Natijada Hindiston armiyasining to‘rt nafar, Xitoy tomonidan 20 nafarga yaqin harbiy xizmat tan jarohati olgan. Halok bo‘lganlar haqida ma’lumot yo‘q.
Pekin va Nyu-Dehli o‘rtasida ikki mamlakat harbiylari askarlarning hayotini saqlab qolish uchun o‘qotar quroldan foydalanmaslik to‘g‘risida kelishuv mavjud.
2020 yilning 16 iyun kuni Hindiston armiyasining o‘nlab askarlari bu joyda tayoq va tosh to‘qnashuvida halok bo‘lgan. Rasmiy Nyu-Dehli bu holat uchun Xitoy tomonini ayblagan edi. O‘shanda hind OAV 43 nafar xitoylik askar yaralangani va halok bo‘lgani haqida xabarlar tarqatgan edi.
Dunyodagi eng ko‘p aholiga ega bo‘lgan ikki mamlakat — Hindiston va Xitoy chegarasini “McMahon Line” deb nomlangan shartli chiziq ajratib turadi. Hindiston bu chegarani tan olgan, Xitoy esa yo‘q.
Muammoni hal qilish uchun bir necha bor urinish bo‘lgan. Xususan, 1993 va 1996 yillarda o‘tkazilgan kelishuvlar samarasiz kechdi. Shu bois chegara hududining ikki qismi — Kashmirning shimoli-sharqiy va Arunachal-Pradesh shtatining shimoli qismi munozarali bo‘lib qolmoqda.
