Erdo‘g‘an Zelenskiy bilan telefon orqali suhbatlashdi

Erdo‘g‘an Zelenskiy bilan telefon orqali suhbatlashdi

Turkiya Prezidenti Rejep Tayyip Erdo‘g‘an ukrainalik hamkasbi Vladimir Zelenskiy bilan telefon orqali suhbatlashdi va Zaporojye atom stansiyasi atrofida qurolsizlantirilgan hudud yaratish bo‘yicha vositachilik qilish taklifini berdi.

“Anadolu” agentligi xabariga ko‘ra, mamlakat rahbari Rossiya va Ukraina o‘rtasida uzoq vaqt davom etgan mahbuslar almashinuvi jarayoni muvaffaqiyatli yakunlanganidan mamnunligini izhor qildi.

Erdo‘g‘an, shuningdek, Ukraina g‘allasini Qora dengiz orqali eksport qilish bo‘yicha kelishuv ishlayotganini ham ta’kidladi va shundan so‘ng navbatdagi taklifini ilgari surdi. Turkiya yetakchisi fikriga ko‘ra, yuqoridagi kabi yondashuvni Zaporojye AES majmuasida ham ko‘rsatish mumkin, ya’ni u stansiya atrofida qurolsiz hudud hosil qilishda yordam ko‘rsatishga tayyor.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!