Bulung‘urda mast erkak amakisini ketmon bilan o‘ldirdi
Ma’lum bo‘lishicha, 30 yoshli B.O. jiyanining tug‘ilgan kuniga borib, mast bo‘lgan va tungi soat 03:00 atrofida amakisi N.A.ning uyiga borib, janjal chiqargan. Ta’kidlanishicha, B.O. uni tinchlantirmoqchi bo‘lgan amakisini kaltaklab, ketmon bilan boshiga urib o‘ldirgan.
Belgilangan sud-tibbiy ekspertizasining xulosasida A.N.ning o‘limiga tanasida og‘ir tan jarohat belgilari mavjudligi sabab bo‘lgani aytilgan. Sud tomonidan 30 yoshli B.O.ga nisbatan Jinoyat kodeksining 97-moddasi (Qasddan odam o‘ldirish) 2-qismi bilan to‘g‘ri malakalangan deb topildi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)