Blinken G‘azodagi sulh kimlarga bog‘liq ekanligini aytdi

G‘azo sektorida sulhga erishish ham Falastinning HAMAS harakati, ham Isroilga bog‘liq, dedi AQSh Davlat kotibi Entoni Blinken.

Uning so‘zlariga ko‘ra, bugun har ikki tomon qolgan masalalar bo‘yicha kelishib olishi kerak.

Shu bilan birga, Blinken Qo‘shma Shtatlar hozirda Misr va Qatar bilan «juda faol muzokaralar» olib borayotganini ta’kidladi.

«Yaqin kunlarda biz Isroil va HAMAS bilan o‘z fikrlarimizni baham ko‘rishimizni kutaman, uchalamiz hal qilinmagan qolgan muammolarni qanday hal qilishni aniq muhokama qilamiz», — deya davlat kotibining so‘zlaridan iqtibos keltiradi TASS.