Bir qator OPEK+ davlatlari neftni ixtiyoriy ravishda qisqartirish haqida e’lon qildi
![Bir qator OPEK+ davlatlari neftni ixtiyoriy ravishda qisqartirish haqida e’lon qildi Bir qator OPEK+ davlatlari neftni ixtiyoriy ravishda qisqartirish haqida e’lon qildi](/photos/news/WqpUfU5IrbE9KdD.jpeg)
Bir qator OPEK+ davlatlari 2024 yilning birinchi choragi uchun neftni ixtiyoriy ravishda qisqartirish haqida rasmiy e’lon qildi.
Bu haqda “TASS” xabar bermoqda.
Ittifoq mamlakatlari umumiy ishlab chiqarishni kuniga 2 million barrelga kamaytirishga kelishib oldilar (b/d).
Shunday qilib, Saudiya Arabistoni allaqachon mart oyi oxirigacha ixtiyoriy ravishda ishlab chiqarishni 1 million barrelga qisqartirish muddatini uzaytirishini tasdiqladi. Rossiya jahon bozorlariga neft yetkazib berishni chuqurlashtirib, kuniga 500 ming barrelgacha qisqartirishini e’lon qildi.
Bu davlatlardan tashqari yana bir qancha OPEK+ a’zolari kelasi yilning birinchi choragida ishlab chiqarishni qisqartirish haqida bayonot berishdi. Shu tariqa, Qozog‘iston ishlab chiqarishni kuniga 82 ming barrelga, Quvayt – 135 ming barrelga, Ummon – 42 ming barrelga, Jazoir – 51 ming barrelga qisqartiradi.